naatt
NAAT
Sultân-ı rüsül şâh-ı mümeccedsin efendim
Bî-çârelerle devlet-i sermedsin efendim
Dîvân-ı ilâhîde ser-âmedsin efendim
Menşûr-u le amrük le müeyyedsin efendim
Sen Ahmed ü Mahmûd u Muhammedsin efendim
Hakdan bize sultân-ı müeyyedsin efendim...
Hutben okunur minber-i iklîm-i bekâda
Hükmün tutulur mahkeme-i rûy-i cezâda
Gülbank-i kudûmûn çekilir arş-ı Hudâ’da
Esmâ-i şerîfin ânılır arz-ü semâda
Sen Ahmed ü Mahmûd u Muhammedsin efendim
Hakdan bize sultân-ı müeyyedsin efendim
Ol dem ki velîlerle nebîler kala hayrân
Nefsî deyü dehşetle kopa cümleden efgân
Ye’s ile usâtın ola ahvâli perîşân
Destûr-u şefâatla senindir yine meydân
Sen Ahmed ü Mahmûd u Muhammedsin efendim
Hakdan bize sultân-ı müeyyedsin efendim
Bir günki dalup bahr-i gâma firkete gittim
İlden yitürüp kendimi bî-hôdluIa yitdim
İsyânın ânıp âkibetimden hazer etdim
Bu matla-ı yâd eyledi bir seyyid işitdim
Sen Ahmed ü Mahmûd u Muhammedsin efendim
Hakdan bize sultân-ı müeyyedsin efendim
Ümmideyiz ye's ile âh eylemeyiz biz
Sermâye îmânı tebâh eylemeyiz biz
Bâbın koyup agyâra penâh eylemeyiz biz
Bir kimseye sâyende nigâh eylemeyiz biz
Sen Ahmed ü Mahmûd u Muhammedsin efendim
Hakdan bize sultân-ı müeyyedsin efendim
Bîçâredir ümmetlerin isyânına bakma
Dest-i red urup hasret ile dûzaha yakma
Râhm eyle amân âteş-i hicrânına yakma
Ez-cümle kulun Gâlib-i pür-cürmü bırakma
Sen Ahmed ü Mahmûd u Muhammedsin efendim
Hakdan bize sultân-ı müeyyedsin efendim.
Bu Albümdeki Diğer Eserler:
Elli İki Gün 
Asr-ı Saadette Çocuk Olmak
Hoş Geldin
Efendim
Habibullahı Sevmek
Ey Gül
Hz. Ömer'in Övgüsü
Naat -Şuan bu sayfadasınız